溝條女其實好簡單,仲要唔洗點用錢...

weiwei11     2016-12-06     檢舉
Sponsored Links

GreatDaily

雖然我無乜興趣拍拖結婚,但係總會遇到有D渣男企圖埋身,

我遇過其中一D真係想同大家分享下:

行山獵艷

我當初預科讀夜校,同學之中年紀有大有細,我識左個FD就叫P君,

大家都係女仔,又鐘意動植物,所以有時都會約出黎一齊行山,

點知有一次,佢話不如加埋其他人一齊行,行條耐D既路,

我諗都無乜問題,就答應左。

果日一出黎,原來果位新加男士係P君以前的同學,

Sponsored Links

佢一開始就問我結左婚未,住邊之類,我覺得乜佢咁奇怪,同中學生講D咁既野,

我果時乜都唔知,答完佢,佢就係咁講自己仲好後生,

只係三十幾歲上下(都大我十年有多啦,嚇譁?),

有次在球場俾個七八歲小朋友叫佢:"叔叔,唔該踢返個波過黎"

Sponsored Links

GreatDaily

佢話嬲到大力飛踢個波打到正個小朋友,睇佢仲敢唔敢叫人叔叔

我果時嚇左一跳,咁過左三十歲,小朋友都係叫你叔叔/姨姨架啦! 點解要打細路!?

青年咁叫就話挑釁姐! 果時對佢印象十分唔好,不過都算啦,行山姐無所謂啦!

我行山係慣左靜靜享受大自然,無遇到奇怪動植物都唔會開聲講野,

而果位男士一路上不停講藍色生死戀(果時播)點好睇點好睇,我無回應,

佢就係咁問我有無睇,係咪好正之類,我真係頂唔順,但仲忍住,

Sponsored Links

我話我無睇,因為對愛情片無興趣,正常人都識收皮轉話題啦,

佢竟然話不如講俾我聽! 我立即話:唔好!我最驚人愛到要生要死,好煩好討厭

佢竟然仲係咁hard sell有幾好睇,仲不停更大聲更密集地講,

忍左兩個鐘(其中一直行,我無講野,得P君回應佢)我心入面真係頂唔順啦~

於是我就開口講:不如唔好講衣套戲啦,講下其他啦,好唔好?

佢居然話:係好睇呀嘛,咁你想講咩話題呀!?

我話:世界上有好多比愛情片有趣的事物,上至天文下至地理都可以架~唔好再講愛情片啦,唔該~

Sponsored Links

佢就話:咁我地講唔關你事(我諗:但你一直嘈住我,好L辛苦呀!)

我為左唔好吵架,就又忍落黎,點知呢個渣男係咁單單打打,

話我點唔好點唔好,又同P君講話我唔及同學C君咁好笑容

果時我諗:佢當自己邊L個呀?要人地賣笑? 另外,乜佢都見過同學C君咩?

一直我都有忍,因為行成十二個鐘,行得辛苦就停低坐在石頭上回下氣,

但就一直無再同佢傾偈了,因為唔想吵架,只想快D行完,

到行完搭巴士出市區,果位渣男下車先,

Sponsored Links

我就同朋友P君講:以後行山有佢就唔洗約我了,好難頂!

****後續****

就係P君不停向我推介呢條三才無一才既渣男,

話佢做實Q,好好仔,唔會周圍搞,放左工就返屋企之類,

我只係話:我無興趣!! 而且我都幾討厭衣個渣男,個格唔好,真係爛貨!

無幾耐, 畢業之後,C君完全無同P君聯絡(我好奇怪,因為佢地係一組,本來關係唔錯架嘛!)

C君最後只係同P君講:我有男朋友架啦!

Sponsored Links

衣家諗返,應該係渣男叫P君介紹女仔俾佢,P君分別搵左我同C君,

但C君有男朋友,佢仲不停向C君推介渣男,C君就FD都唔同佢做,打電話都唔覆,

而渣男見C君唔吼佢,就叫P君搵返我,我當然都唔會理D渣男啦!

過左好幾年,我做左律師樓又同家人一齊供樓供到可以賣,

朋友P君又舊事重題,話渣男重做緊實Q,無進修無個人興趣,繼續無女吼,問我食唔食左佢,

我問P君:你無野呀?我都話左無興趣拍拖,你仲叫我食件爛貨?佢人格有問題架!

內容未完結,請點擊「第2頁」繼續瀏覽。